Экскурсія ў музей «Фальварак Ракуцёўшчына»
Напярэдадні Дня народнага адзінства вучні 9”А” і 9 “Б” класаў наведалі філіял Літаратурнага музея Максіма Багдановіча «Фальварак Ракуцёўшчына». Загадчык філіяла Любоў Іванаўна Шчэрбач правяла экскурсію па музейнаму комплексу. Вучні пазнаёміліся з жыццёвым укладам беларусаў канца XIX - пачатку ХХ стагоддзя. Даведаліся пра гаспадара фальварка Вацлава Лычкоўскага, у якога 2 летнія месяцы 1911 года гасцяваў беларускі паэт Максім Багдановіч. У Ракуцёўшчыне паэт напісаў два цыклы вершаў: “Старая Беларусь”, “Места” і дзве паэмы “Вераніка”, “У вёсцы”.
Цікава было паўдзельнічаць у музейным квэсце ”Пад стрэхамі даўніны”. Кожны змог паспрабаваць свае сілы ў веданні жыццёвага і творчага шляху Максіма Багдановіча. Пераможцамі квэсту сталі вучні 9 “А класа”: Гутырчык Мікіта, Карабель Вікторыя. Чупракова Паліна, Ладыгін Уладзімір, Хмяльніцкая Лізавета. Любоў Іванаўна іх ўзнагародзіла сувенірамі і значкамі з выявай Максіма Багдановіча.